افضل كافيهات جدة ٣ اماكن تستحق الزيارة وبقوة
جدة عروس البحر الاحمر تتميز بوجود كورنيش جميل جدا وخاصة الواجهة البحرية اللي فعلا تعتبر من اجمل الاماكن السياحية في جدة بدون منازع ولكن هذا ابدا لايعني انه جدة لاتحتوي على كافيهات رائعة تستحق الزيارة وخاصة لعشاق القهوة والاجواء الممتعة
طبعا جدة مليانة كافيهات ومطاعم رهيبة ولكن اختيارنا لهذه ال ٣ اماكن كان بناءا على تنوعها والجو الخاص فيها اللي ممكن يضيف للزائر تجربة مميزة جدا
هنا قائمة افضل كافيهات جدة
١- كافيه عمار جدة
اذا كنت فعلا من عشاق القهوة وتدور على مكان رايق فاخر وبجو مخملي هادئ فقهوة عمار هي مطلبك ومكانك المكان هذا بديكوره الفاخر يعطيك شعور جميل جدا بالاضافة الى السقف العالي اللي يعطي للمكان هيبة يستحق الزيارة وبقوة ولكن يعتبر من الاماكن المكلفة نسبيا ..يبلغ ثمن فنجان القهوة التركي تقريبا ٣٠ ريال سعودي … بالاضافة في اكثر الايام يحتاج الى حجز مسبق
٢- مقهى ليالي جدة التاريخية
منطقة جدة التاريخية من اجمل اماكن جدة السياحية الي تعطيك شعور رائع مختلف عن بقية المطاعم والكافيهات في جدة ما يمزيها فعلا انك بتعيش باماكن عاشوها ناس كتير قبلك وهذا يحسسك بروحانية غريبة بالمكان
مقهى ليالي جدة التاريخية هو باختصار بيت حجازي قديم تم تحويله الى مقهى للزائرين يروي الحكاية الحجازية بديكور حجازي قديم رائع ومعتنى فيه مع تقديم انواع القهوة. والحلويات على انغام الموسيقى القديمة
الاسعار تعتبر متوسطة تقريبا تكلفة الشخص بين ١٥-٢٠. ريال سعوي
طبعا الكافيه مفتوح ولذلك اختار الجو المناسب للذهاب اليه
٣- كافيه كاليبسو جدة
اذا كنت من محبين الاماكن اللي فيها نمط واضاءة فنية ويعطيك طاقة فخليني اعرفك على كاليبسوا كافيه هذا الكافيه بالرغم من حجمه الصغير نسبيا ولكن طريقة الاضاءة فيه. كانك في ديسكو ومرتب بطريقة جميلة ويوفر مشروبات القهوة بانواعها ويعتبر مكان يستحق الزيارة لمحبي الاماكن اللي فيها حياة وانارة
الاسعار متوسطة تقريبا ٢٠ ريال للشخص الواحد كمشروب
من مميزاته ايضا انه يفتح ٢٤ ساعة ! يعني متى جت القهوة على بالك ! روح كاليبسوا واطلب كورتادو وروق دماغك
لمعرفة كيفية الوصول الى هذه الاماكن انصحك بزيارة دليل السياحة في جدة
اللي يوفرلك كل المعلومات اللي تحتاجاها لتسمتع بسفرك ومعرفة اماكن حلوة في جدة اهل الرخا والشدة